ပညာတတ် ဖပြုတ်ကေ

ပညာတတ် ဖပြုတ်ကေ

အဘာလေး ...
ကြည့်ချထော
ကိုယ့်စွာကို ကျမ်းတတ်ပိုင်
ပြောလိုက်တေ စကားတိ
ငါရို့ လိုက်မမှီရာ ဒေ ....။

အဘာလေး...
ကြည့်ချထော
ချပြလိုက်တေ ပုံသေနည်း
အိုင်စတိုင်းတောင်
အဖိုးသျှင်ခေါ်နိန်ရယင့် ....။

အဘာလေး
ကြည့်ချထော
ကလိုက်တေဓား ပြိုန်းတောမှာ
သနားဖို့ ကောင်းလိုက်တေ
တတောလုံး ပြောင်လား ယင့် .....။

အဘာလေး
ကြည့်ချထော
ငြင်းလိုက်တေ ပြဿနာ
ရိုင်တည်ထားကေ
ရခိုင်ပြည် ကမ္ဘာကျော်လားဖို့ ယေ....။

အဘာလေး
ကြည့်ချထော
သျှင်ပြုပွဲလေ့ ဒေလူ
သမက်တတ်ပွဲလေ့ ဒေလူ
မရောက်စွာ ဟိမ့်သိမ့်လာဂု ......။

အဘာလေး
ကြည့်ချထော
မပြောချင်လို့ နိန်ရေလှုတိကို
ဆီးဆုံး ထင်နိန်လာမသိမ့်
ကျောက်ခဲ့ပိုက်ကေ
လက်ညောင်းလတ်မေ လို့ ဒေ..........။

ပြောခီကေ ခွီးပိုင်ကိုက်
မပြောခီကေ လဘောထင်
ဆီးဆောက်ကရောက် ပေါလဆီတိနန့်
အရည်မရ အဖတ်မရ
စုတ်ပီ စုတ်ပ ရီမှာဆုံး
ဖပြုတ်ကေ ရာဇ၀င် တုံး .....။

မင်းရို့တိလား
ရက္ခတိုင်းကို ကယ်တင်ဖို့ လူတိ
အလှပနိန်....မဟုတ်ကေ
ငါ...ဒရွင်စည်တီးလို့
ကမင်ညစ်ဖို့ ကျဖို့ ဒေ.....။
...............................
အေးမောင်(ရင်အုံတော်ဓာတ်)
၂၆၊၁၀၊၀၉

ရင်ကွဲနာ

ရင်ကွဲနာ

ခြစားလားခရေ နှစ်ပေါင်း
နှစ်ရာကျော်
အနှိုင်းမဲ့ အဆုံးအယှုံး
သမိုင်းထဲကရုပ်ကြွင်းတိ
ထိုတစ်စု ဒေတစ်စု
အဘာကယ်ပါ
အမင်ကယ်ပါ
ခေါ်နိန်ကတ်တေ...။

ရညှိတက်နိန်ရေ
ကျောက်ဆစ်တိ
ခွာချဖို့လူမဟိ
သမိုင်းက ဟားတိုက်ခံထားရရေ
လူမျိုးတစ်စု
ြွကင်းလားခရေ ဟင်းဇကွဲတိပိုင်...။

အိမ်မက်ထဲက
နှစ်ပေါင်း ငါးထောင်က
ငါ့ကို နိန့်တိုင်း
ခြောက်လန့်ှကတ်တေ...။

..........
အေးမောင်(ရင်အုံတော်ဓာတ်)

လခြမ်းချေ

လခြမ်းချေ

အချေခါ..
"လခြမ်းချေ" ကို
ရာဟုဖမ်းကေ
ဘာဘာ ကို ဖက်လို.
ငါ..
ငိုဖူးရေ ....။

လူပ်စိ၊လူပ်စိ နန်.
ရုန်းထွက်နိန်ရေ
"လခြမ်းချေ" ကို
ကြည့်လို. ..
ငါ...
ဝမ်းနည်ဖူးရေ ...။

ဇွဲသတ္တိ အပြည့်နန်.
ရာဟုလက်က လွတ်အောင်
ရုန်းထွက်တေ
"လခြမ်းချေ" က
ငါ့ ကို ...
သတ္တိမွီးဖွားစီဖူးရေ....။

အာကာကို
မျော်ကြည့်ယင်း
ငါမျက်စိ အောက်က
ပျောက်လားခရေ
"လခြမ်းချေ" ကို
ငါ့ ကို ပြန်ပီးဖို.
ဘာဘာ ကို
ငါ...
ပူဆာဖူးရေ ......။


ရာဟုလက်က
လွတ်ကျပါလတ်တေ
"လခြမ်းချေ" သတ္တိကို
အားပီးလျက်
"လခြမ်းချေ" နန်.အတူ
ငါ....
ပြိုင်တူ ရယ်ဖူးရေ ....။

အိမ်ပြန်ရောက်လို.
အိပ်ရာဝင်ချိန်
အိမ်မက်ထဲမှာ
"လခြမ်းချေ" နန်.
ငါ..
စကားပြောဖူရေ.....။

အိမ်မက်ထဲက
"လခြမ်းချေ" က
ဇွဲမလျော့ဖို.
သတ္တိဟိဖို.
စိတ်ဓာတ်မကျဖို.
အရှုံးလုံးဝ မပီးဖို
ငါ့ကို...
အားပီးဖူးရေ ......။

.............
အေးမောင်(ရင်အုံတော်ဓာတ်)
၂၁၊၀၆၊၀၉(၀၀:၁၆)

သံသရာဘူတာ၌ ဆိုက်ကပ်နီခြင်း

သံသရာဘူတာ၌ ဆိုက်ကပ်နီခြင်း

တန်ဖိုးဟိရေ သစ်ပင်ထက်က
သုညတစ်လုံးကြွီကျလားရေ……။

ဆွဲငင်အားတိဆိတ်သုဉ်းရေခါ
သံယောဇိုင်နန့် ချိုင်ထားလို့ မရလိုက်ဗျာလ်….။

အစုန်အဆန်လားနီကတ်တေ
ဒုံနာလမ်းထက်ကခြီရာတိ
နာကြင်မှုဝေဒနာတိကို ရောင်းဝယ်ဖောက်ကား
ရလာရေ အမြတ်က
ဒုက္ခအပြည့်နန့် နိန့်ရက်ချေတိ….။

ဆိုက်ဘာဟိုက်ဝေးလမ်းမထက်မှာ
လက်နှိပ်စက်အိမ်မက်နန့်
မွီးရာပါအားနည်းချက်ကို
အရောင်တင်နီကတ်တေခါ...။

ကိုယ်လွတ်ရုန်းတတ်သူရို့ ညဇာ
တထပ်စာရိက္ခာနန့်
သံသရာဘူတာမှာ
ကြည့်ပြီးသား ဗီဒီယိုကားကို
ထိုင်ကြည့်နီရယင့်…။

.........

နီသစ်ခိုင်

ထိန်းသိမ်းကတ်ပါ

ထိန်းသိမ်းကတ်ပါ

ရက္ခမဏ္ဍိုင်၊ ပြည်ရခိုင်မာ
ဝမ်းစာစပါး၊ သားငါး ပုဇွန်
သယံဇာတ၊ ပြည်စုံကြ၏..။
*
မြတ်ဗုဒ္ဓမွီ၊ ဓါတ်စေတီရို့ 
ကိန်းဝပ်စံပျော်၊ တောင်များပေါ်မှာ
ဖူးမျှော်မဆုံး၊ ထုံးဖြူဖွေး၏..။
*
သို့ သော်တမူ၊ တချို့ လူများ
စိတ်မှားဝင်ရောက်၊ စေတီဖေါက်ချိုး
ပုထိုးကိုမွှီ၊ ရွှီငွီ ရတနာ
ရှာဖွေလာ၏..။
*
အော်... တထပ်စာကိုမြင်၊ ဆင်ခြင်နည်း၍
ရှီးကလက်ရာ၊ သာသနာကို
ညှာတာကင်းဝီး၊ ဖျက်စီးလီက
ကာလမကြာ၊ ရိုးရာကွယ်ပျောက်
အမျိုးပျောက်လို့ ၊ ဇာရောက်လားဖို့ 
စိုင်းစားကြည့်လျင်၊ ယင်းအမြင်ကို
အမှန်ပြင်ဖို့ ... သင့်နီဗျာယ်...။။
*........
ခိုင်ချစ်သန်း ( ဖရုံကာကျွန်း )

(ဝတီကြေးမုံဘလော့မှ)

DDoS တိုက်ခိုက်မူ

DDoS တိုက်ခိုက်မူ

DDoS တိုက်ခိုက်မူ
တခါတခါ မှာ cracker , hacker တိ စွာ zombie ကွန်ပြူတာ network တိ နန့် web site, web server တိ ကို တိုက်ခိုက်ကတ်ပါရေ။ အေ လုပ်ဆောင် ပုံ က ရှင်ပါရေ cracker တိ စွာ botnet computer တိနန့် web server တိ website တိ ကို အဆက်မပြတ် ဆက်သွယ် တိုက်ခိုက် ဖို့ ခိုင်းပါရေ။ ယပိုင် တိုက်ခိုက်ခြင်းအားဖြင့် internet connection traffic တိုးလာပီးကေ တိုက်ခိုက် ခံ ရရေ web site , web server တိ ကို User တိ ကြည့်ဖို့ အတွက် နှေးကွဲ လာပါရေ ။ တခါ တခါ ယင်း website လုပ် ၀ မတက်လာပါဗျယ်။ အေပိုင် တိုက်ခိုက် မူအမျိုး အစားကို Distributed Denial of Service ( DDoS ) တိုက်ခိုက် မူလို့ ခေါ်ပါရေ။



DDoS က ဇာပိုင်လဲဆိုကေ Cracker တိက သူ့ကွန်ပြူတာက နီ တိုက်ခိုက် ဖို့ reflector ဆို စွာကို connection request တိပို့ ရေ ။ reflector တိ က ခု နက connection request တိကို လက်ခံပြီးကေ
ယင်း reflector ကနီတဆင့် Connection request တိကို အဆမတန် တိုးပွားအောင် လုပ်ပီးကေ website နန် web server တိကို တိုက်ခိုက်ကတ်ပါရေ။ တချိန်တည်း မှာ connection request တိ များလာပီးကေ webserver ကျလခပါရေ။ (တချိန် တည်း မှာ သတ်မှတ်ထားရေ ထက် လူပေါင်းအများကြီး ၀င်ရောက် သုံး နီရေ ဆို ကေ ယင်း website ကျလခါရေ ။ ယင်းပိုင်ပုံစံပါဗျယ်)



အခု DDoS စနစ်ကို သုံ ပြီးကေ မြန်မာနိုင်ငံ က အစိုးရ website , webserver တိကို ပစ်မှတ်ထား တိုက်ခိုက်လာကတ်ပါရေ။ အေဟင့်တိက တော့ cyber war အတွက် tool တိပါဗျယ်။
DDoS ထဲမှာ ပါဝင် ရေ နည်းပညာတိကတော့ကေ
Ping of Death: bot တိစွာ packet တိကို တချိန်တည်းမှာ အများကြီး လုပ်ပြီး ပို့လွတ်ခြင်း
Mailbomb: bot တိစွာ Email အများကြီးဖန်တီးပီးကေ တစ်ချိန်တည်းမှာ ပို့လွတ် ပြီး Email server ကို ပျက်စီးအောင်လုပ်ခြင်း
နောက် တခြားပညာရပ် တိကို အကျယ်တ၀င့် ဖော်ပြလားဖို့ ဖြိုက်ပါရေ။
DDoS attacking နည်းပညာ ကို လဲ လုပ်ဆောင် ပုံ နန့် Tutorial တိကို အကျယ်တ၀င့် ဖော်ပြလားဖို့ဖြိုက်ပါရေ
 

ရခိုင်ဆိုသည်မှာ...

ရခိုင်ဆိုသည်မှာ...

“အမျိုးသီလနှစ်ဌါနကို၊
ပြည့်ဝမဏ္ဍိုင်၊
စောင့်စွမ်းနိူင်သည်၊
ရခိုင်နာမ၊ ဘွဲ့မည်လှဖြင့်
အန္တတ္တသညားခေါ်အပ်ရာတည်း။ ။”

(သျှင်နာဂိန္ဒမော်ကွန်း)